السبب اللي خلاك تسوي التكميم هو الوزن.
فإذا بدأ وزنك يرجع، طبيعي جدًا يكون معناه بالنسبة لك إن العملية فشلت، وبدون شك. وأنا بهذي النقطة أفهمك.
خصوصًا إن في أول سنة أو سنتين، كان مقياس نجاح التكميم بالنسبة لك، أو بالنسبة للشخص اللي يتابع حالتك، هو نزول الوزن. فبالتالي رجوعه يعني ١٠٠٪ إن العملية فشلت.
في الواقع، أكثر من ٨٠٪ من المكممين يرجع لهم جزء من الوزن بعد سنوات من العملية.
وإذا كان الشخص وصل لوزن طبيعي وبعدها زاد ٤ أو ٥ كيلو، هذي مو مشكلة كبيرة.
لكن المشكلة الفعلية، وهذا وضع الغالبية، إن الشخص أساسًا ما وصل لوزن طبيعي، والحين وزنه يزيد، أو زيادة وزنه كبيرة: ١٠ كيلو وأكثر.
طيب، هل هذا مصير كل مكمم؟ خلاص، هذا هو التكميم؟
لا.
أنا شخصيًا قبل سنوات كنت أتابع مع المكممين من أول الأشهر بعد العملية، والغالبية العظمى كانوا يوصلون لوزنهم المثالي خلال سنة أو سنتين، مع إن الدراسات تقول إن أقل من ٢٤٪ يوصلون لوزن طبيعي.
والغالبية منهم كانوا يحافظون على وزنهم، عكس اللي نشوفه بالدراسات.
وهذي مو شطارة مني أبدًا. أنا فقط كنت أمشي معاهم بالطريقة الطبيعية، اللي هي عكس اللي تسمعه غالبًا.
والأرقام المحطمة اللي في الدراسات سببها إن الغالبية العظمى يمشون بنفس الطريق الخاطئ:
أسرع نزول بأقل مدة.
بكل الأحوال، أنا الحين ما أقدم هذي الخدمة، لكن أقولك هذا الكلام عشان تكون عارف إن الطريق الصحيح بيوصلك.
نرجع للسؤال الأساسي: هل رجوع الوزن يعني فشل العملية؟
لا.
العملية لا تزال فعالة، وبتبقى فعالة.
العملية أداة، وكل اللي عليك إنك تستخدمها صح.
هل طريقك الحين أصعب من لو إنك من البداية مشيت صح؟ أكيد أصعب.
لكن السؤال مو: هل التكميم لا زال فعال أو لا؟
السؤال: هل أنت جاهز تتغير، وتمشي بالطريق الصحيح؟
إذا كان جوابك نعم، فهذي صفحة برنامجي. اقرأها بالكامل، وشوف كل التفاصيل، وتجارب مكممين كانوا بنفس مكانك.
