اليوم أنت ملتزم.
أو أقلها تحاول تلتزم بالنصائح اللي تأخذها من طبيبك، أو من المصدر اللي تسمعه، عشان تحل مشكلة الوزن المستمرة معك رغم العملية.
وقف الحلى.
وقف النشويات.
زود المشي.
كل 1200 سعرة.
ورغم إن هذي النصائح مو سهلة، إلا إنك تحاول تنضبط.
لأن عندك هدف أساسًا سويت العملية عشانه.
وأنت أصلًا تجاوزت شيء أصعب بكثير من أي دايت: إجراء جراحي كامل عشان تغير وزنك وحياتك.
لكن رغم كل هذا، لا تزال عالق.
وكل ما تبحث عن السبب، تسمع نفس الإجابة تقريبًا:
يمكن ما التزمت كفاية.
يمكن لازم تقلل أكثر.
يمكن هذا هو وضعك الآن، ولازم تتعايش معه.
فتبدأ تخاف من أي رجوع للحياة الطبيعية.
بمجرد ما تأكل مثل أي إنسان طبيعي، أو تدخل أكلًا كنت مانعه، ويبدأ الميزان يتحرك للأعلى، تقول في نفسك:
لا، خليني ملتزم ومحروم أحسن من إن يرجع الوزن ويرجع معي الكابوس القديم.
لكن هنا عندي سؤال.
إذا كان الحل بعد التكميم هو:
اقطع.
قلل.
احذف.
وامش أكثر.
فليه سويت التكميم أصلًا؟
هل سويته عشان يساعدك توصل لوزنك وتحافظ عليه بدون ما تعيش بقية حياتك في حرمان؟
أو سويته عشان يعطيك قدرة أكبر على الحرمان، فقط لأن معدتك صارت أصغر؟
أغلب الناس دخلوا العملية وهم يتوقعون الأولى.
لكن كثير منهم بعد سنوات يعيشون الثانية.
وهنا نرجع للسؤال الأساسي:
ليه رغم التزامك، النتيجة ما زالت عكس اللي تتوقعه؟
لأن المشكلة ماهي في التزامك.
المشكلة في الخطة نفسها.
إذا كان وزنك ثابت اليوم على 1000 سعرة، فالحل مو إنك تنزل لـ800.
الاتجاه اللي تحتاجه ممكن يكون العكس تمامًا.
توقف الاستنزاف المستمر.
ترجع تغذي جسمك بشكل أفضل.
وتستوعب إنك شخص بالغ وتاكل على هذا الأساس.
ولا تقول لي أنا مكمم، صغر المعدة ما يلغي احتياجات الجسم.
طيب ليش يحصل هذا؟
شرحت الفكرة بالتفصيل في الفيديو التالي:
ليه وزنك يزيد رغم إن أكلك قليل؟
أنصحك تشوفه قبل ما تكون خطوتك الجاية إنك تقلل أكلك أكثر.
